REAL MADRID YAFANYA KUFURU, HUKU LEICESTER NAO WAKISHINDA

Mchezaji Gareth Bale amefunga goli lake la kwanza katika Ligi ya Mabingwa Ulaya kwa mara ya kwanza tangu 2014, wakati mabingwa watetezi Real Madrid wakiichakaza Legia Warsaw kwa magoli 5-1.

Bale alifunga goli hilo mara tu baada ya wageni kupiga shuti lililogonga mwamba wa goli Real Madrid kupitia kwa Vadis Odjidja-Ofoe, kisha baadaye shuti la Marcelo lilimgonga Tomasz Jodlowiec, na Miroslav Radovic kurudisha moja kupitia mkwaju wa penati.

Shuti la Marco Asensio la yadi 18, baada ya mapumziko liliongeza goli la tatu na karamu hiyo ya magoli ilihitimishwa kwa magoli ya Lucas Vazquez na Alvaro Morata katika mchezo ambao Cristiano Ronaldo hakuweza kuzifumania nyavu.

                                                 Alvaro Morata akiifungia Real Madrid goli la tano 

Timu ya Leicester City imebakiza kupata ushindi mmoja tu kutinga hatua ya mtoano ya Ligi ya Mabingwa Ulaya baada ya jana kuifunga Copenhagen kwa goli 1-0 katika dimba la King Power ikiwa ni ushindi wake wa tatu katika kundi lao.

Riyad Mahrez aliugonga mpira uliopigwa, Islam Slimani, na kuutumbukiza wavuni katika dakika tano tu kabla ya mapumziko, na kuifanya timu hiyo kusahau kwa muda kuvurunda kwao katika ligi kuu ya Uingereza.

                                        Riyad Mahrez akifunga goli pekee katika mchezo huo