BOURNEMOUTH YAIDUWAZA LIVERPOOL KATIKA DAKIKA ZA MWISHO

Bournemouth imeiduwaza Liverpool baada ya kutokea nyuma na kuibuka na ushindi wa magoli 4-3 ikiwa ni ushindi wake wa kwanza dhidi ya Liverpol katika mchezo wa kuvutia wa Ligi Kuu ya Uingereza.

Bournemouth ilipambana baada ya kulala magoli 2-0 katika nusu ya kwanza ya mchezo, na kisha 3-1 ikiwa zimebakia dakika 15 na kumaliza mchezo huo kwa kuibuka na ushindi kwa goli la dakika 93 la Nathan Ake.

Katika mchezo huo Sadio Mane aliifungia Liverpool goli la kwanza na kisha kuongeza la pili kupitia kwa Divock Origi kabla ya Callum Wilson kuifungia Bournemouth lakini baadaye Emre Can akafunga goli la tatu.

Ryan Fraser aliifungia Bournemouth goli la pili, likiwa goli lake la kwanza katika ligi kuu, kisha beki wa kati Steve Cook kuisawazishia timu hiyo na Nathan Ake kufunga goli la nne la ushindi.

           Sadio Mane akipiga mpira uliomzunguka kipa Boruc na kisha kuupachika wavuni

Mchezaji mwenye asili ya Kenya Divock Origi akiangalia mpira alioupiga ukielekea kujaa wavuni

                Nathan Ake akifunga goli la nne lililoizamisha Liverpool katika mchezo huo