FELLAINI AIKOSESHA USHINDI MANCHESTER UNITED DHIDI YA EVERTON

Leighton Baines ameipatia Everton pointi katika dakika za mwisho katika mchezo dhidi ya Manchester United baada ya Marouane Fellaini aliyetokea benchi kusababisha penati katika dimba la Goodison Park.

Fellaini, akicheza mchezo wa 100 akiwa na United aliingia uwanjani katika dakika ya 85, na kumfanyia madhambi Idrissa Gueye katika eneo la hatari na Baines hakufanya kosa kwa kutumbukiza penati wavuni.

Katika mchezo huo nyota Zlatan Ibrahimovic aliyefunga goli lake la sita katika michezo mitano, aliifanya Manchester United kuongoza ikionekana kuelekea kupata ushindi wake wa tatu kati ya michezo 11 ya Ligi Kuu ya Uingereza.

Zlatan Ibrahimovic akipiga shuti la kuunyanyua mpira juu ulioenda kujaa wavuni na kuandika goli la kwanza

Leighton Baines akifunga goli la kusawazisha kwa mkwaju wa penati uliomshinda spidi kipa David de Gea