CRISTIANO RONALDO ATAOA MSAADA MKUBWA KWA WATOTO WA ALLEPO, SYRIA

Nyota wa soka Cristiano Ronaldo ameonyesha kusikitishwa na hali ngumu ya maisha wanayokabiliana nayo watoto katika taifa lililogubikwa na vita la Syria, katika video yake aliyoiweka kwenye mitandao ya jamii.

Nyota huyo wa Real Madrid na Ureno ametoa fungu nono la fedha kusaidia huduma za dharura mjini Aleppo, ikiwemo msaada wa chakula, nguo na matibabu kwa familia nchini Syria kupitia shirika la Save the Children.

Ronaldo amenukuliwa akisema “Hii ni kwa ajili ya watoto wa Syria, tunajua mmekuwa mkitaabika mno, mimi ni mtu maarufu katika soko lakini nyinyi ni mashujaa, tunawajali mno, nami nipo nanyi”.

Cristiano Ronaldo akiongea huku ameshika kifua kuonyesha kuguswa na mateso ya watoto wa Aleppo

Mmoja wa watoto wa Aleppo akiwa ameokolewa kutoka kwenye jengo lililoshambuliwa kwa mabomu wakati wa mapigano