EVERTON YAIDHIBITI TIMU YA ARSENAL KUKWEA KILELENI MWA LIGI

Timu ya Arsenal imepoteza nafasi ya kuwea kileleni mwa Ligi Kuu ya Uingereza baada ya Everton kutokea nyuma na kupata ushindi wa magoli 2-1.

Arsenal ambao walikuwa wameshinda michezo yao mitatu iliyopita, walipata goli la kwanza kupitia kwa mpira wa adhabu uliopigwa na Alexis Sanchez na kumgonga beki Ashley Williams.

Everton walisawazisha goli hilo kabla ya mapumziko kupitia kwa Seamus Coleman akiunganisha krosi murwa ya Leighton Baines. Beki Williams alifunga goli la pili kwa mpira wa kichwa.

Mpira wa kichwa uliopigwa na beki Ashley Williams ukijaa wavuni na kuandika goli la pili la Everton 

                                           Olivier Giroud akifuta machozi ya machungu ya kipigo 

Katika mchezo mwingine Timu ya Leicester City imejikuta ikipata kipigo cha goli 1-0 kutoka kwa wenyeji wao AFC Bournemouth goli lililofungwa na Marc Pugh mnamo dakika ya 34.