KOCHA PEP GUARDIOLA AOMBA RADHI KWA WACHEZAJI WAKE KUGOMBANA

Kocha wa Manchester City Pep Guardiola ameomba radhi kwa timu yake kuhusika katika ugomvi uliomfanya Sergio Aguero na Fernandinho kutolewa nje katika mchezo ambao walifungwa 3-1 na Chelsea.

Katika mchezo huo jana Chelsea walipigana kiume baada ya kufungwa goli moja na kuibuka na ushindi wa nane mfululizo uliowafanya wakae kileleni mwa Ligi Kuu ya Uingereza wakiongoza kwa tofauti ya pointi ya pointi nne.

Sergio Aguero alijikuta akitolewa nje kwa kadi nyekundu kwa kumshambulia beki David Luiz, huku mchezaji mwenzake Fernandinho naye pia akionyeshwa kadi nyekundu kwa kugombana na Cesc Fabregas.

Sergio Aguero akibaki na mshangao baada ya kupewa kadi nyekundu kwa kugombana na David Luiz

Fernandinho akisinikizwa kutolewa nje ya uwanja baada ya kukwaruzana na Cesc Fabregas