PAPA FRANCIS ASEMA UKRISTO NI KUACHA KUHANGAIKIA VITU VYA KIDUNIA

Kiongozi wa Kanisa Katoliki Dunia Papa Francis amesema kuwa maana hali ya Ukristo ni kujiondoa katika kuhangaikia mno vitu vya kidunia.

Akiongea katika ibada iliyokuwa na ulinzi mkali Jijini Vatican, Papa Francis ameelezea kuguswa na mahangaiko wanayopata watoto katika maeneo mbalimbali duniani.

Pia alielezea watu wanaopatwa na njaa, wahamiaji wanaopitia njia hatari pamoja na mashambulizi ya mabomu katika mji wa Aleppo.

Waumini waliohudhuria ibada ya usiku wa Krismasi jana katika Kanisa la Mt. Peter Basilica walilazimika kukaguliwa na vifaa maalum, ili kuimarisha usalama.

                                                               Papa Francis akibusu sanamu la mtoto Yesu 

                                                      Papa Francis akiwa amebeba sanamu la mtoto Yesu