SANCHEZ AFUNGA HAT TRICK ARSENAL IKIKWEA HADI NAFASI YA PILI

Magoli matatu yaliyofunga na Alexis Sanchez, yameihakikishia Arsenal ushindi wa kishindo dhidi ya West Ham katika dimba la London, na kuifanya ikwee hadi katika nafasi ya pili ya msimamo wa Ligi Kuu ya Uingereza.

Katika mchezo huo Mesut Ozil alifunga goli la kwanza baada ya kosa la Angelo Ogbonna lililomfanya Sanchez kuuwahi mpira na kutoa pande lililomaliziwa vyema na Ozil.

Sanchez alifunga goli safi la pili na kisha kuongeza la tatu kabla ya Andy Carroll aliyeshuka dimbani kwa mara ya kwanza tangu Agosti 18 kuifungia West Ham goli kwa mpira wa kichwa.

Jahazi la West Ham lilijikuta likizidi kuzama pale Alex Oxlade-Chamberlain alipofunga kwa umahiri goli la nne la Arsenal, na kisha baadaye Sanchez akakamilisha karamu hiyo ya magoli kwa mpira safi wa kuubetua juu.

           Alexis Sanchez akiachia shuti lililojaa wavuni na kumshinda kipa wa West Ham

Alexis Sanchez akikamilisha goli lake la tatu katika mchezo huo kwa kuubetua mpira juu