KAPTENI SERGIO RAMOS AOKOA JAHAZI LA REAL MADRID LISIZAME

Kapteni Sergio Ramos amefunga goli la kusawazisha katika dakika za majeruhi, na kuongeza rekodi ya Real Madrid kutokufungwa katika msimu huu, huku akiinyima Barcelona ushindi katika mchezo wa kwanza wa El Clasico.

Mshambuliaji Luis Suarez alikuwa wa kwanza kutikisa nyavu kwa mpira wa kichwa, wa adhabu uliopigwa na Neymar na kuifanya Barcelona kuongoza katika dimba la nyumbani la Nou Camp.

Hata hivyo Cristiano Ronaldo nusura afunge goli kabla ya Ramos kufunga goli la mpira wa kichwa kufuatia mpira wa adhabu uliopigwa na Luka Modric na kuifanya Real Madrid kuambulia pointi.

   Luis Suarez namba 9 mgongoni akiangalia mpira wa kichwa alioupiga ukijaa wavuni

  Sergio Ramos akiruka juu kuupiga mpira kichwa na kusawazisha goli katika dakika za mwisho