EVERTON SI YA MCHEZO MCHEZO YAIPIGA 4G MANCHESTER CITY

Everton imeonyesha mchezo mzuri na kuiduwaza Manchester City kwa kuipatia kipigo kikali cha magoli 4-0, ambacho ni pigo katika harakati za kutwaa ubingwa wa Ligi Kuu ya Uingereza.

Everton waliweza kudhibiti umiliki wa asilimia 71 wa Manchester City, kwa kutumia vyema nafasi nne kufunga goli kati ya sita walizopata.

Romelu Lukaku alifunga goli la kwanza kufuatia pande la Kevin Mirallas na kisha baadaye Lukaku akishirikiana vyema na Mirallas ambaye aliachia shuti na kufunga goli la pili.

Tom Davies aliibua shangwe katika dimba la Goodison Park baada ya kufunga goli katika sekunde chache tangu aingie dimbani kwa mara ya kwanza akicheza mchezo wa ligi kuu, na Ademola Lookman akafunga.

                        Romelu Lukaku akiwa ameachia shuti lililoandika goli la kwanza la Everton

Maumivu ya kichwa huanza taratibu: Silva akiwa ameshikilia kichwa akisikilizia maumivu ya kufungwa 

         Kocha Pep Guardiola naye mkono kichwani, kipigo si mchezo leo ni mwendo wa panadol tu