KIUNGO JOHN MIKEL OBI AIBUKIA KATIKA LIGI YA CHINA

Mchezaji kiungo John Mikel Obi ameingia katika orodha ya nyota wa zamani wa Ligi Kuu ya Uingereza waliohamia Ligi Kuu ya China baada ya kuthibitishwa uhamisho wake kwa klabu ya Tianjin TEDA.

Picha iliyotumwa kwenye tovuti ya China ya Webo, inamuonyesha mchezaji huyo wa zamani wa Chelsea Mikel akipeana mkono na afisa wa klabu ya Tianjin huku akiwa na fulana ya timu hiyo.

Mikel, aliyejikuta akiondoka Chelsea msimu huu akikosa nafasi kutokana na kuwa na wachezaji kama N'Golo Kante, Nemanja Matic, Nathaniel Chalobah na Cesc Fabregas, atalipwa paundi 140,000.