MANCHESTER UNITED YAELEKEA KUTINGA FAINALI YA KOMBE LA EFL

Kocha Jose Mourinho amejiweka katika nafasi ya kutwaa kikombe cha kwanza akiwa na Manchester United baada ya jana kuifunga Hull City magaoli 2-0 katika nusu fainali ya kombe la EFL.

Baada ya kuhangaika mno kujaribu kuipenya ngome ya Hull, United wakiwa nyumbani walifanikiwa kufunga goli la kwanza kupitia kwa Juan Mata akiunganisha mpira wa kichwa uliopigwa na Henrikh Mkhitaryan.

Kipa wa Hull City, Eldin Jakupovic, ambaye aliokoa michomo kadhaa ya wachezaji wa Manchester United, alijikuta akifungwa goli la pili na Marouane Fellaini aliyetokea benchi akiunganisha kwa kichwa krosi ya Matteo Darmian.

                                                  Juan Mata akifunga goli la kwanza katika mchezo huo

                                Marouane Fellaini akipiga kwa kichwa mpira na kufunga goli la pili