MWANAMKE ASHINDA BAHATI NASIBU BAADA YA KUBASHIRI NAMBA HIZO HIZO KWA MIAKA 30

Mwanamke mmoja nchini Canada ambaye amekuwa akitumia namba za bahati nasibu hizo hizo kwa miaka 30 ameshinda kiasi cha dola milioni 5.3 za Canada sawa na dola za Marekani milioni 3.9.

Mwanamke huyo Olga Beno kutoka Nova Scotia, amesema kuwa aliziota namba hizo za ushindi tangu Mei mwaka 1989 na kuanzia hapo amekuwa akizitumia kila akicheza bahati nasibu.

Bi. Beno aliona namba zake zikitajwa kwenye runinga lakini kwa kuwa macho yake hayaoni vizuri, ikabidi aende kununua gazeti kesho yake na kubaini ni kweli ameshinda.