REAL MADRID YAZIDI KUTAKATA KATIKA LIGI YA LA LIGA

Vinara wa La Liga, Real Madrid wameifikia rekodi ya Barcelona ya kutofungwa michezo 39 mfululizo baada ya kuifundisha soka timu ya Granada kwa kuitungua magoli 5-0.

Kikosi hicho cha Zinedine Zidane kilikuwa kikiongoza kwa magoli 4-0 baada ya dakika 32 za mchezo, huku Isco aliyefunga magoli mawili katika mchezo huo akifunga goli la kwanza.

Karem Benzema alifunga goli la pili, kisha Cristiano Ronaldo akaongeza la tatu na Isco akatumbukiza wavuni mpira uliopigwa na Luca Modric, Casemiro akafunga la tano.

                               Isco akiwa ameanguka chini baada ya kupiga mpira unaoelekea wavuni

Cristiano Ronaldo akiwa ameruka juu kuupiga mpira kichwa uliojaa wavuni na kuandika goli la tatu

                                    Casemiro akikamilisha karamu ya magoli kwa kufunga goli la tano