ALAIN TRAORE AIPA BURKINA FASO USHINDI WA NAFASI YA TATU AFCON 2017

Mpira wa adhabu uliopigwa na Alain Traore katika dakika za mwisho umeisaidia Burkina Fasso kuifunga Ghana na kutwaa nafasi ya tatu ya michuano ya Kombe la Mataifa ya Afrika.

Kutoka umbali wa yadi 18, Traore aliachia shuti kali la mguu wa kushoto lililojaa kwenye kona ya juu ya goli na kutinga wavuni katika dakika ya 89.

Matokeo hayo yameifanya Ghana iishie katika nafasi ya nne kwa mara ya tatu katika michuano hiyo, huku kocha wake Avram Grant hatma yake ikiwa mashakani.

Jordan Ayew, Edward Agyemang Badu na Bernard Tekpetey wote walikosa nafasi za kuifungia Ghana katika mchezo huo.

Kocha wa Ghana Avram Grant akiwa mwenye mawazo tele baada ya kushindwa kutwaa nafasi ya tatu Afcon