CHELSEA YAAMBULIA SARE BAADA YA LIVERPOOL KUGANGAMALA

Chelsea imeambulia sare dhidi ya Liverpool iliyoonekana kuimarika katika dimba la Anfield baada ya penati ya dakika za mwisho ya Diego Costa kuokolewa na kipa Simon Mignolet katika mchezo ulioishia kwa sare ya goli 1-1.

Kipa wa Liverpool alirekebisha makosa yake aliyoyafanya katika kipindi cha kwanza wakati alipojikuta akishindwa kuunyaka mpira wa adhabu uliopigwa kiufundi na David Luiz na kuandika goli la kwanza.

Liverpool walisawazisha kupitia kwa Georginio Wijnaldum kwa shuti la karibu dakika 11 baada ya mapunziko na kuipatia Liverpool sare ambayo walikuwa wanastahili kuipata katika mchezo huo na kumaliza tatizo la kufungwa mechi tatu zilizopita.

         Beki David Luiz akipiga mpira wa adhabu umbali wa yadi 25 ambao ulijaa wavuni

                                  Georginio Wijnaldum akiifungia Liverpool goli la kusawazisha

                    Kipa Simon Mignolet akidaka mpira wa penati iliyopigwa na Diego Costa