KIBARUA CHA CLAUDIO RANIERI CHAOTA NYASI BAADA YA SIKU 298 KUPITA TANGU ATAWE UBINGWA WA EPL

Kocha Claudio Ranieri amefukuzwa katika timu ya Leicester City huku mabingwa hao watetezi wa Ligi Kuu ya Uingereza wakipambana kutoshuka daraja baada ya siku 298 kupita tangu watwae ubingwa huo.

Leicester City imechukua uamuzi wa kushangaza wa kumtimua kocha huyo jana usiku ikiwa ni miezi tisa tu kupita tangu kocha huyo Muitaliano kuisaidia kutwaa ubingwa wa Uingereza na kuweka historia ya kutwaa ubingwa huo kwa mara ya kwanza.

Mapema mwezi huu wamiliki wa klabu hiyo wa Thailand walionekana kumuunga mkono kocha Ranieri wakisisitiza nafasi yake katika klabu hiyo ipo salama, na wao wanamuunga mkono kuendelea kuinoa timu hiyo.