LEICESTER CITY YADUWAZWA NYUMBANI NA MANCHESTER UNITED

Mabingwa wa watetezi wa Leicester City wapo pointi moja tu juu ya mstari wa timu zinazoweza kushuka daraja baada ya jana kupata kipigo cha magoli 3-0 nyumbani kwao kutoka kwa Manchester United.

Nyavu za goli la Leicester City zilianza kutikiswa katika kipindi cha kwanza mara mbili kwa tofauti ya dakika mbili tu, Henrikh Mkhitaryan akifunga la kwanza na Zlatan Ibrahimovic kufunga la pili.

Juan Mata akaihakikisha Manchester United kuwa wenyeji hawatoweza kufurukuta tena baada ya kufunga goli la tatu katika kipindi cha pili cha mchezo huo wakigongeana vyema na Mkhitaryan.

                                  Henrikh Mkhitaryan akiachia shuti na kufunga goli la kwanza 

                                  Zlatan Ibrahimovic akifunga goli la pili la Manchester United