MTU ALIYEDHANIWA KUWA AMEKUFA APATIKANA AKINYWA POMBE BAA

Familia moja katika kijiji cha Awendo katika kaunti ya Migori nchini Kenya imelazimika kufukia kaburi baada ya ndugu yao aitwae Wilson Oluoch waliyedhani amekufa kupatikana akinywa pombe baa.

Oluoch alikuwa hajaonekana kwa muda wa wiki tatu na wakati akiwa hajulikani alipo ulipatikana mwili wa mtu aliyefanana naye ukiwa umeharibika katika shamba la miwa na ndugu zake kudhania kuwa ni yeye.

Lakini muda mfupi kabla ya mazishi mtu mmoja aliiambia familia ya Oluoch kuwa kuna mtu wamemuona anafana na ndugu yao kwenye baa mmoja ya karibu eneo la Rongo, na walipoenda kumuona wakamkuta Oluoch ambaye ni dereva bodaboda akinywa pombe zake.