PENATI YA ZLATAN IBRAHIMOVIC YAIKOA MANCHESTER UNITED

Zlatan Ibrahimovic ameikoa Manchester United na kuambulia sare nyumbani dhidi ya Everton kwa goli la shuti la penati katika dakika za mwisho na kufanya kikosi hicho cha Jose Mourinho kushindwa kushinda tena nyumbani Old Trafford.

Penati hiyo iliyopigwa na raia huyo wa Sweden katika dakika ya 94, ilitolewa baada shuti lililopigwa na beki Luke Shaw kushikwa katika mstari wa goli ka beki Ashley Williams, ambaye alipewa kadi nyekundu kwa kitendo hicho.

Kwa kuambulia pointi hiyo moja Manchester United imeongeza rekodi ya kutofungwa michezo 20, lakini imetoka sare mara tisa ikiwa nyumbani katika michezo ya ligi, huku wapinzani wao Everton wakishindwa kuwapiku katika msimamo.

                   Phil Jagielka akifunga goli la mpira uliogongwa na beki Rojo na kujaa wavuni

                  Zlatan Ibrahimovic akipiga kiufundi mpira wa penati na kusawazisha goli