TIMU YA LEICESTER CITY YAENDELEZA WIMBI LA USHINDI

Timu ya Leicester City imepata ushindi wa sita wakiwa na kocha mpya Craig Shakespeare baada ya kuifunga Sunderland iliyokatika mazingira magumu kwa magoli 2-0.

Leicester ilionekana kuwa chini ya kiwango chao, lakini uamuzi wa kocha Shakespeare kumuingiza Marc Albrighton na Islam Slimani ulifanya kubadili mchezo huo.

Baada ya dakika saba tu kuingia dimbani Albrighton alitoa krosi ya wingi ya kushoto iliyotumbukizwa kichwani kwa kichwa na Mualgeria Slimani.

Albrighton tena alitoka nduki nusu uwanja na kuachia krosi iliyomkuta Jamie Vardy, aliyeituliza kwanza na kuachia shuti kali lililojaa wavuni.

                           Islam Slimani akipiga mpira wa krosi kwa kichwa na kufunga goli

                          Jamie Vardy akiachia shuti na kufunga goli la pili la Leicester City