PEDRO KUREJESHWA UINGEREZA KWA MATIBABU BAADA YA KUGONGANA NA OSPINA CHINA

Mchezaji wa Chelsea, Pedro atarejea Uingereza na kuachana na ziara ya maandalizi ya msimu mpya baada ubongo wake kutikisika na kuumia usoni katika mchezo wa kirafiki walioibuka na ushindi wa magoli 3-0 dhidi ya Arsenal huko Beijing.

Pedro mwenye miaka 29, alilazimika kupelekwa hospitali baada ya kugongana na golikipa wa Arsenal David Ospina katika mchezo huo uliochezwa jana.

Taarifa ya klabu ya Chelsea imesema mchezaji huyo wa kimataifa wa Hispania alikuwa chini ya uangalizi usiku mzima wa jana.

   Kipa wa Arsenal David Ospina akigongana na Pedro wakati akiruka kupangua mpira

Pedro akiwa kwenye maumivu makali huku damu zikimchuruzika puani baada ya kugongana na kipa Ospina