Kocha aliyekabidhiwa mikoba kwa muda
kuinoa Everton wakati huu, David Unsworth amesema mambo yanapaswa
kubadilika haraka kwenye klabu hiyo, baada ya kuchakazwa magoli 4-1
na Southampton.
Mshambuliaji wa Southmpton Charlie
Austin alifunga magoli mawili kwa mpira wa kichwa katika kipindi cha
pili akicheza kwa mara ya kwanza katika msimu huu, baada ya kupindi
cha kwanza kuisha kwa sare ya 1-1, Steven Devis alifunga goli la nne.
Charlie
Austin akifunga kwa mpira wa kichwa moja ya magoli yake mawili
Kocha wa Burnley Sean Dyche
amepandwa na ghadhabu baada ya Alexis Sanchez kufunga goli katika
dakika za mwisho kwa mkwaju wa penati na kuipatia ushindi Arsenal
katika dimba la Turf Moor.
Goli hilo linarejesha kumbukumbu la
timu hizo zilipokutana katika msimu uliopita katika dimba la
Emirates, wakati mshambuliaji huyo raia wa Chile Sanchez alipofunga
goli kwa mkwaju wa penati katika dakika ya 98 na kuipatia ushindi
Arsenal.
Mshambuliaji wa Arsenal Alexis Sanchez akifunga goli kwa mkwaju wa penati
Hakuna maoni :
Chapisha Maoni