KOCHA WA LEICESTER CITY ALALAMIKIA KADI YA BEN CHILWELL

Kocha wa Leicester Claude Puel amesema uamuzi wa kumtoa kwa kadi nyekundu Ben Chilwell katika mchezo wa Chelsea ulikuwa wa ghadhabu, na kufanya kikisi chake kitoke sare badala ya kupata ushindi.

Leicester City waliutawala mpira na kuumiliki kwa muda mwingi na walikuwa na nafasi nzuri ya kushinda, lakini mambo yalibadilika baada ya beki Chilwell kupewa kadi ya njano ya pili.

Beki huyo hakuonewa huruma na refa Mike Jones katika dakika ya 68 pale alipomuangusha Victor Moses, ikiwa ni muda mfupi tu tangu amchezee rafu Mbrazil Willian, katika mchezo huo ulioishia kwa sare tasa.

Kipa wa Leicester City Kasper Schmeichel akipangua kiufundi moja ya mipira iliyoelekezwa katika lango lake

  Refa Mike Jones akimpa kadi nyekundu beki Ben Chilwell baada ya kumchezea rafu Victor Moses