AGUERO ATUPIA NNE WAKATI MAN CITY IKIMPIGA MTU MKONO

Kocha wa Manchester City Pep Guardiola amesema mshambuliaji Sergio Aguero anastahili pongezi zote baada ya kusaidia ushindi wa magoli 5-1 dhidi ya Leicester City kwa kufunga magoli manne.

Mchezaji huyo raia wa Argentina amefikisha magoli 13 katika michezo 10 mwaka huu akimalizia vyema upachikaji magoli, akisaidiwa na kiwango bora cha Kevin de Bruyne, ambaye alisaidia kupatikana magoli matatu.

Katika mchezo huo ambao Manchester City ilipata ushindi wa 13 katika dimba la nyumbani na kuongoza kwa tofauti ya pointi 16, ilipata goli lake la kwanza kupitia kwa Raheem Sterling, huku Jemie Vardy akiifungia Leicester goli pekee.

           Raheem Sterling akiifungia Manchester City goli la kwanza katika mchezo huo

    Mshambuliaji Jamie Vardy akiifungia Leicester City goli pekee katika mchezo huo

Sergio Aguero akifunga goli la pili la Manchester City na kisha baadaye kuongeza mengine matatu