Cristiano Ronaldo amefunga magoli
matatu yaani hat-trick wakati Real Madrid ikiichakaza Real Sociedad
kwa magoli 5-2 katika mchezo wa Ligi Kuu ya Hispania La Liga.
Ronaldo alimtengea mpira Lucas
Vazquez uliozalisha goli la kwanza na kisha naye akaongeza la pili
kufuatia krosi ya Marcelo.
Toni Kroos aliongeza goli la tatu la
Real Madrid kabla ya Ronaldo tena kufunga goli kwa mpira wa kichwa
kufuatia mpira wa kona uliopigwa na Luka Modric.
Jon Bautista aliifungia Real
Sociedad baada ya mapumziko lakini Ronaldo akafunga goli lake la
tatu, kisha Asier Illarramendi akaifungia Sociedad goli la pili.
Cristiano Ronaldo akiwa ameruka juu na kuupiga mpira kwa kichwa uliozaa goli
Cristiano Ronaldo aliyerejesha makali yake jana ya kufumania nyavu akifunga goli lingine
Hakuna maoni :
Chapisha Maoni