MECHI YAVUNJIKA BRAZIL BAADA YA REFA KUTOA KADI 10 NYEKUNDU

Mechi ya mchezo wa soka nchini Brazil imevunjika baada ya mchezo baina ya timu za Victoria na Bahia katika michuano ya mabingwa wa jimbo la Bahia kugubikiwa na kadi nyekundu 10.

Soka la Brazil hujulikana kwa kuwa na ufundi na ujuzi wa hali ya juu wa kusakata mpira, lakini kwa mchezo huo hakukuwa na la maana la kuonyesha.

Ghasia ziliibuka baada ya Bahia kupewa penati katika dakika 50, na kufunga kisha kushabikia kwa kucheza mbele ya mashabiki wao na kisha kuibuka ngumi baina ya wachezaji.

Baada ya wachezaji kupigana ngumi na kuchukua dakika 16 kurejesha utulivu refa alitoa kadi nyekundu kwa wachezaji nane.

Mchezo huo uliendelea lakini Victoria wakajikuta wachezaji wake wawili wakipewa kadi nyekundu dakika 11 kabla ya mpira kuisha na mechi kuvunjika, huku Bahia wakiwa mbele kwa magoli 3-0.

                                     Wachezaji wa timu za Bahia na Victoria wakitangana ngumi 

Wachezaji wakitwangana ngumi huku baadhi ya wasaidizi wa benchi za ufundi za timu hizo wakisaidia kuamua ugomvi