RAIS JACOB ZUMA AKABILIWA NA SHINIKIZO LA KUJIUZULU

Rais wa Afrika Kusini Jacob Zuma anakabiliwa na shinikizo la kumtaka ang'atuke katika madaraka ya urais.

Rais Zuma na wanachama waandamizi wa chama cha African National Congress (ANC) walifanya mazunguzo jana, na hii leo viongozi wa chama hicho waliitisha mkutano wa dharura.

Vyombo vya habari vya Afrika Kusini vimeripoti kuwa rais Zuma amekaidi shinikizo la chama chake na kugoma kujiuzulu urais, lakini taarifa rasmi za mkutano huo bado hazijatolewa.

Rais Zuma ambaye anakabiliwa na tuhuma za rushwa, nafasi yake ya uongozi wa ANC ilichukuliwa na Cyril Ramaphosa mwezi Desemba.