AL- SHABAAB YAUWA POLISI WATANO KENYA

Polisi watano wameuwawa nchini Kenya na wengine watatu kujeruhiwa katika shambulizi lililofanywa na wapiganaji wa kundi la Al-Shabaab kwenye kambi mbili za usalama katika mji Fino, Kaunti ya Mandera.

Naibu Kamisha wa Polisi wa Kaunti hiyo, Eric Oronyi amesema kuwa shambulizi hilo lililofanywa majira ya saa saba usiku wa kumkia leo lililenga kambi za polisi wa kawaida na wale wa utawala katika mji wa Fino.

Polisi wamesema kuwa washambuliaji hao pia wameharibu mnara wa mawasiliano na kukata kabisa mawasiliano katika eneo hilo.

Kamishna wa polisi Oronyi amesema kuwa washambuliaji wa kundi la Al-Shabaab walikuwa kati ya 70 hadi 100 walivamia wakija kwa miguu.