KENYA YASHUTUMIWA KUWAREJESHA KWAO WAHAMIAJI HARAMU WA SOMALIA

Shirika la Human Right Watch limesema serikali ya Kenya imewarudisha kwao wahamiaji haramu 359 nchini Somalia tangu ianzishe operesheni ya kuimarisha ulinzi mwezi Aprili 2014.

Shirika hilo limesema watatu kati ya waliorudishwa nchini Somalia ni wakimbizi walioandikishwa.

Tarifa ya HRW iliyotolewa leo imesema Kenya imewatimua nchini watu 98, wakiwemo watoto 12 na kuwapeleka Mogadishu bila hata kuliarifu Shirika la Umoja wa Mataifa la Kuwahudumia Wakimbizi (UNHCR) kuhusiana na uamuzi huo.

Mtafiti mwandamizi wa shirika la HRW, Gerry Simpson amesema ni kinyume na sheria kuwalazimisha watu kurejea katika nchi ambayo kunauwezekano wa kushtakiwa, kuteswa ama kutumbukia katika hatari ya kudhuriwa.