KOCHA WA BARCELONA KUACHIA NGAZI, BAADA YA KUFANYA VIBAYA MSIMU HUU

Kocha Barcelona Gerardo Martino ataachia ngazi kuinoa klabu hiyo kwa maridhiano ya pande mbili baada ya kushindwa kuipatia kombe la Ligi ya La Liga.

Barcelona ilikuwa inahitaji ushindi dhidi ya Atletico Madrid ili kutwaa kombe katika mchezo wao wa mwisho hapo jana lakini ikajikuta ikitoka sare ya bao 1-1.

Matokeo hayo yanaifanya Barcelona kumaliza msimu huu bila kutwaa kikombe kikubwa chochote tangu mwaka 2007-2008.

Akiongelea matokeo hayo Kocha Martino, ameomba msamaha kwa kushindwa kufanya vyema, na amewashukuru mashabiki wa klabu hiyo kwa kuwa na imani naye.