LUIS SUAREZ AWATUMIA UJUMBE UINGEREZA NA KUSEMA WATAKUTANA JUNI 19 SAO PAULO

Luis Suarez ametuma ujumbe kwa wachezaji wenzake wa Liverpool walio kwenye kikosi cha Uingereza na kutahadharisha kuwa atakuwa yupo fiti wakati Uingereza itakapochuana na Uruguay katika michuano ya Kombe la Dunia.

Mchezaji huyo bora wa mwaka wa Ligi Kuu ya Uingereza, alifanyiwa upasuaji wa kwenye goti baada ya kuumia katika mazoezi, amewatumia ujumbe mfupi wa maandishi kwa njia ya simu rafiki zake wa Anfield kuwa watakutana Juni 19, huko Sao Paulo.

Daktari wa timu ya Uruguay, Alberto Pan amethibitisha jana kuwa Suarez anaendelea vizuri, baada ya kufanyiwa upasuaji huo.