MAHAKAMA YATENGUA UAMUZI WA RAIS BANDA KUFUTA MATOKEO YA UCHAGUZI MKUU

Mahakama Kuu ya Malawi imekataa uamuzi wa Rais Joyce Banda kufuta uchaguzi wa mkuu uliofanyika wiki hii, ambapo yeye pia alikuwa mgombea.

Awali Bi. Banda alisema uchaguzi uliofanyika siku ya jumanne uligubikwa na udanganyifu, vitendo vya upigaji kura mara mbili pamoja na kufanyiwa uharamia wa kwenye komputa.

Rais Banda alisema kuwa uchaguzi huo utarudiwa ndani ya siku 90 na hatogombea tena katika uchaguzi mpya.

Hata hivyo Mkuu wa Tume ya Uchaguzi ya Malawi amesema rais Banda hana madaraka ya kuufutilia mbali uchaguzi huo, na Mahakama Kuu imetengua uamuzi wa Rais Banda na kura zitaendelea kuhesabiwa.