WAFUNGWA WAWAACHIA MATEKA WALIOKUWA WANAWASHIKILIA GEREZANI NCHINI BRAZIL

Wafungwa katika gereza lenye ulinzi mkali kaskazini mashariki mwa Brazil wamewaachia mateka 122 waliokuwa wakiwashikilia gerezani tangu jumamosi katika mji wa Aracaju, ambao ni mji mkuu wa jimbo la Sergipe.

Maafisa magereza wanne pamoja na wageni waliokuwa wameenda kutembelea ndugu zao walitekwa jumamosi na wafungwa hao na kushikiliwa baada ya kuibuka ghasi kwenye gereza hilo.

Wafungwa hao walikuwa wanadai kuhamishiwa kwenye magereza yenye mazingira bora na yenye kutoa muda wa kutosha wa kutembelewa na ndugu, marafiki na jamaa zao. Katika tukio hilo maafisa magereza wawili walijeruhiwa kidogo.