WAZIRI MKUU WA THAILAND YINGLUCK SHINAWATRA AFIKA KATIKA MAKAO MAKUU YA JESHI

Kiongozi aliyeng'olewa madarakani wa Thailand Bi. Yingluck Shinawatra amefika katika jengo la jeshi mjini Bangkok, siku moja tu baada ya jeshi kutwaa madaraka.

Bi. Yingluck ni miongoni mwa zaidi ya wanasiasa 100, waliotakiwa kufika jengo hilo na jeshi.

Jeshi limewapiga marufuku wanasiasa maarufu 155, kuondoka nchini Thailand bila ya kupewa ruhusa.

Hapo jana jeshi lilisitisha matumizi ya Katiba, kupiga marufuku mikusanyiko ya watu na kuwashikilia baadhi ya wabasiasa, na kusema utulivu unahitajika Thailand baada ya miezi kadhaa ya ghasia.