WIMBO PHARREL WILLIAMS WA “HAPPY” WAWAPONZA VIJANA IRAN

Mashabiki wa Pharrell Williams wa Tehran nchini Iran wamejikuta matatani baada ya kushikiliwa na vyombo vya dola kwa kurekodi video ya wimbo wa Happy kuonyesha furaha yao katika taifa hilo lenye misimamo mikali ya kidini.

Video hiyo ya Happy ni miongoni mwa video kadhaa zilizotengenezwa na wapenzi wa msanii Pharrell Williams katika maeneo tofauti duniani katika kuonyesha furaha zao kama maudhui ya wimbo huo yanavyoelezea.

Vyombo vya dola vya Iran vilishtukia video hiyo iliyotumwa You Tube wakati ikiwa imeshangaliwa na watu 165,000. Tukio hili limemgusa Pharrell Williams kiasi cha ku-twitti kwenye ukurasa wake kuwa inasikitisha kuona vijana hao wakikamatwa kwa kosa la kusambaza furaha.