MSHAURI WA USALAMA WA NIGERIA ASHAURI UCHAGUZI UHAIRISHWE

Mshauri wa Usalama wa Nigeria Bw. Sambo Dasuki ameisihi tume ya uchaguzi ya nchi hiyo kuchelewesha uchaguzi mkuu ili kutoa fursa ya kusambazwa kwa kadi za wapiga kura.

Uchaguzi huo ni wa kwanza kwa taifa la Nigeria, ambao unahitaji mpiga kura kuwa na kadi ya

biometric.

Nigeria inayokabiliwa na ghasia zinazotokana na machafuko yanayofanywa na kundi la Boko Haram, inatarajia kufanya uchaguzi wake Februari 14.

Mkuu huyo wa Usalama Sambo Dasuki, pia amesema nchi jirani ya Chad, itatuma kikosi chake kusaidia kupambana na wapiganaji wa Boko Haram ambao wanashikilia miji mingi na vijiji.