POLISI KENYA WAUWA MAJAMBAZI SITA KWA KUWAPIGA RISASI JIJINI NAIROBI

Majambazi sita wamepigwa risasi na kufa jana usiku baada ya polisi kuzima mipango yao ya wizi katika eneo Membley, barabara ya Ruiru-Kahawa Jijini Nairobi.

Majambazi hao wote wanaume walikuwa kwenye gari aina ya saloon, iliyokuwa ikifuatiliwa na polisi ambapo mmoja wao aliyekuwa na silaha aina ya AK-47 alitoroka baada ya kulifyatulia risasi gari la polisi.

Afisa wa kitengo cha uhalifu amesema walipata taarifa kuwa majambazi hao walikuwa wanapanga kuweka kizuizi barabarani na kuwaibia wenye magari watakaopita barabara hiyo.