MWANAMKE AJITOA MHANGA KATIKA KITUO CHA BASI NA KUUA WATU SABA NCHINI NIGERIA

Mwanamke aliyejitoa mhanga kwa mlipuko wa bomu ameuwa watu wapatao saba katika kituo cha basi chenye watu wengi kaskazini-mashariki mwa Nigeria.

Polisi wamesema zaidi ya watu 30 wengine wamejeruhiwa katika tukio hilo lililotokea kwenye mji wa Damaturu ambao ni mji Mkuu wa Jimbo la Yobe.

Hakuna kundi lililokiri kuhusika na shambulio hilo, lakini kundi la jihadi la Boko Haram katika siku za nyuma lilishafanya mashambulizi katika mji huo.

Siku ya jumapili wapiganaji wa kundi la Boko Haram walijaribu kuutwaa mji wa mkuu wa jimbo la Gombe.