SERIKALI YA KENYA YAVUTANA NA VITUO VYA TV VILIVYOZIMWA MATANGAZO

Mvutano baina ya serikali ya Kenya na vituo vikuu vitatu vya televisheni unaingia siku ya tatu hii leo huku idadi kubwa ya wananchi wakishindwa kuona matangazo ya televisheni kwenye runinga zao kutokana na kuzimwa mitambo ya analojia, siku ya jumamosi.

Waziri wa Teknolojia na Mawasiliano Fred Matiang'i amevishutumu vyombo vya habari vya Standard Group, Nation Media Group na Royal Media akivituhumu kujaribu kuishinikiza serikali kwa kuzima mitambo yao wenyewe.

Hata hivyo taarifa hiyo imekosolewa vikali na vyombo hivyo vitatu vinavyomiliki vituo vya NTV, QTV, KTN na CITIZEN TV ambavyo wameishutumu serikali kwa kuhusika kuzima mitambo yao.