UTOAJI MIMBA KIENYEJI UNAOFANYWA NA VIJANA WAIGHARIMU UGANDA SHILINGI BILIONI 39

Serikali ya Uganda imejikuta ikitumia kiasi cha shilingi bilioni 39 za nchi hiyo kila mwaka kuwatibu vijana wanaotoa mimba kiholela na kupata madhara ya kiafya kutokana na kufanya ngono zembe.

Mkurugenzi Mkuu wa Taasisi ya Straight Talk Foundation Limited, Susan Ajok amesema serikali hutumia karibu shilingi bilioni 39 kila mwaka kutibu matatizo yatokanayo na utoaji mimba usio salama ambapo vijana ndio wanaoongoza.

Bi. Ajok ametoa kauli hiyo katika mkutano wa kuchangisha fedha kusaidia kukabiliana changamoto za mpango wa uzazi, maisha ya vijana pamoja na mabadiliko ya tabia nchi uliofanyika Jijini Kampala.