ZIARA YA RAIS OBAMA YAIBUA MADAI YA BIMA YA MAISHA YA MAREHEMU BABA YAKE

Ziara ya rais Barack Obama nchini Kenya imekutana na kuibuka kwa habari kuwa wakala wa serikali ya Kenya bado unashikilia fedha zilizoachwa na baba wa rais huyo wa Marekani ambaye alifariki dunia mwaka 1982.

Wakati Rais Obama akitarajiwa kuwapo Kenya wiki ijayo, Mamlaka ya Fedha za Madai zisizo na Mdai (UFAA) inashikilia shilingi 53,933 zinazopaswa kuchukuliwa na familia ya marehemu Barack Hussein Obama.

Baba wa rais Obama alifariki dunia katika ajali ya gari na fedha kutoka kwa bima yake ya maisha ambayo aliikata haijadaiwa na warithi wake hadi sasa, Mwenyekiti wa UFAA, Vincent Kimosop ameeleza.