DWIGHT YORKE ASEMA MANCHESTER UNITED ILIKOSA ALICHOFANYA MARTIAL KWA MIAKA MIWILI

Kiwango kizuri katika mechi yake ya kwanza na Manchester United alichoonyesha kinda Anthony Martial kimewapa mashabiki kitu ambacho hawajawahi kukiona katika miaka miwili iliyopita kwa mujibu wa mshambuliaji wa zamani mkongwe wa timu hiyo Dwight Yorke.

Kocha Louis van Gaal alimuingiza dimbani mchezaji huyo aliyemnunua kwa paundi milioni 36 katika kipindi cha pili na kufunga goli lake la kwanza na timu hiyo alilolipachika wavuni kwa kupasua ngome ya ulinzi ya Liverpool na kumtungua kipa Simon Mignolet.

Yorke amesema Manchester United ilikuwa inakosa mshambuliaji anayeweza kupasua katika msitu wa mabeki na kufunga, lakini Anthony ambaye mashabiki walikuwa hawatarajii jambo kubwa kutoka kwake alionyesha uwezo wake.