MAMLAKA ZA DUBAI ZACHUNGUZA CHANZO CHA MOTO KATIKA HOTELI YA DOWNTOWN

Mamlaka za Dubai zinajaribu kutafuta chanzo cha moto mkubwa uliounguza hoteli ya kifahari ya ghorofa 63 katika eneo la kati kati ya Jiji usiku wa mwaka mpya.

Vikosi vya zimamoto vimefanikiwa kuudhibiti moto huo, lakini sehemu ya jengo la hoteli hiyo ya Downtown imeteketea kwa moto.

Watu wote waliokuwemo kwenye hoteli hiyo waliondolewa ambapo 16 miongoni mwao wamejeruhiwa.

Hata hivyo ufyatua wa fataki uliendelea kuukaribisha mwaka mpya kwenye jengo refu kuliko yote duniani la Burj Khalifa lililopo karibu na hoteli hiyo.

                                           Moto ukiwaka kwenye jengo la hoteli ya DownTown