SERIKALI YA KENYA YAANZISHA SHERIA MPYA ZA KUENDESHA TAASISI ZA KIDINI

Sheria mpya zinazohitaji viongozi wa dini Kenya kuwakilisha vyeti vya utendaji mzuri wa masula ya kiroho pamoja na vyeti vya mafunzo ya theolojia zimekamilika tayari kwa utekelezaji.

Sheria za Jamii na Dinia zilizochapishwa na Ofisi ya Mwanasheri Mkuu wa Kenya, pia zinahitaji taasisi zote za kidini, kuwasilisha Katiba zao zenye taarifa za misingi ya imani ya dini yao. Sheria hizo zinawahusu Maimamu, Wachungaji pamoja na viongozi wengine wa kidini.

Kila taasisi ya kidini Kenya inapaswa kuwa na Katiba yake, programu, matawi yake, shughuli za kusaidia jamii na shughuli za kielimu zinazofanywa na dhehebu pamoja na majina ya watu wanaosimamia shughuli hizo.