WATU WANNE WAUWAWA NA KOMBORA LILILORUSHWA HOSPITALINI YEMEN

Watu wapatao wanne wameuwawa wakati kombora lilipotua kwenye hospitali inayoungwa mkono na Shirika la Madaktari Wasioa na Mipaka (MSF) kusini mwa Yemen, shirika hilo limesema.

MSF wamesema shambulizi hilo katika mkoa wa Saada, ambao ni ngome kuu ya waasi wa Houthi, limejeruhi pia watu wengine 10.

Kundi la waasi la Houthi linapigana na vikosi vya serikali pamoja na washirika wa Saudi Arabia.

Shirika la MSF limesema haijafahamika iwapo hospitali hiyo imepigwa na kombora lililorushwa na ndege ya Saudi na washirika wake ama kwa roketi iliyorushwa kutoka aridhini.