BRAZIL WATOLEWA NJE YA COPA AMERICA KWA GOLI LENYE UTATA

Washindi mara tano wa Kombe la Dunia Brazil, wamepoteza mchezo kwa kuchapwa goli 1-0 na Peru na kutupwa nje ya michuano ya Copa America katika hatua ya makundi kwa mara ya kwanza tangu kupita miaka 30.

Timu ya taifa ya Brazil haijawahi kushindwa na Peru katika kpindi cha miaka 16 waliochokutana ilikuwa inahitaji pointi moja tu ili kutinga robo fainali lakini ikajikuta ikilala dhidi ya Peru.

Katika mchezo huo Raul Ruidiaz aliyetokea benchi alifunga goli hilo pelee katika dakika ya 75, kwenye dimba la Foxborough huko Massachusetts, ambalo Brazili walilalamikiwa kuwa limefungwa kwa mkono.

Katika mchezo Ecuador iliifunga Haiti 4-0 na kutinga hatua ya nane bora kwa mara ya kwanza tangu mwaka 1997.

  Raul Ruidiaz akifunga goli ambalo kama unavyoonekana mkono wake ukiwa karibu na mpira 

 Mpira uliopigwa na Ruidiaz ukitinga wavuni mwa goli la Brazil huku kipa akiwa kapotea mahesabu 

Kipa wa Brazil akimlalamikia refa kwa kukubali goli analodai limefungwa kwa mkono