DRC PUNGUFU YAPAMBANA KIUME NA KUWAFUNGA MORROCO AFCON

Timu ya taifa ya DR Congo imeweka kando hali ngumu ya kambi yake katika michuano ya mataifa ya Afrika na kuibuka na ushindi wa goli 1-0 dhidi ya Morocco katika mchezo wa kundi C huku ikimaliza na wachezaji 10 tu.

Kikosi hicho kinachonolewa na Florent Ibenge, ambacho kiligoma Ijumaa kutokana na kutolipwa posho zao, walianza kwa kusuasua katika mchezo huo kwenye dimba la Stade d'Oyem baada ya Mbark Boussoufa kupiga shuti lililogonga mwamba.

Alikuwa Junior Kabananga aliyewafanya vijana hao wa Joseph Kabila kuongoza kabla ya mchezaji aliyetokea benchi Lomalisa Mutambala kupewa kadi za njano mara mbili ndani ya dakika 16 na kutolewa nje.

Katika mchezo mwingine jana mabingwa watetezi wa Kombe la Mataifa ya Afrika Ivory Coast walijikuta wakiambulia sare ya 0-0 dhidi ya Togo.