RONALDO AFUNGA WAKATI REAL MADRID IKIIBUKA NA USHINDI WA MAGOLI 3

Real Madrid imetumia vizuri fursa ya Barcelona na Sevilla kuteleza kwa kuifunga Real Sociedad magoli 3-0 na kuongoza ligi ya La Liga kwa tofauti ya pointi nne.

Wenyeji Real Madrid walipata goli la kwanza kufuatia kazi nzuri ya Cristiano Ronaldo aliyempasia Mateo Kovacic ambaye alifunga goli lake la kwanza la La Liga.

Kovacic alilipa fadhila la kumlisha mpira Ronaldo ambaye alifunga goli kwa kuubetua mpira juu ya golikipa Geronimo Rulli, na kishaa baadaye Alvaro Morata akafunga goli la tatu.

                                                Mateo Kovacic akifunga goli la kwanza la Real Madrid 

                                                 Cristiano Ronaldo akifunga goli la pili la Real Madrid

Katika mchezo mwingine Luis Suarez aliipatia Barcelona pointi moja muhimu dhidi ya Real Betis katika dakika za mwisho katika mchezo wa La liga ulioishia kwa sare ya 1-1.