ALAVES YATINGA FAINALI YA COPA DEL REY KWA MARA YA KWANZA

Timu ya Alaves imetinga fainali ya Copa del Rey kwa mara ya kwanza katika historia yao ya miaka 96 baada ya kupata ushindi wa goli 1-0 dhidi ya Celta Vigo katika mchezo wa pili wa nusu fainali.

Winga Edgar Mendez alifunga goli pekee katika michezo yao yote miwili waliocheza ya nusu fainali, pale alipounyanyua mpira juu ya kipa Sergio Alvarez na kutikisa nyavu katika dakika ya 83 ya mchezo.

Mchezaji wa zamani wa timu ya Liverpool, Iago Aspas, alikaribia kuifungia Celta lakini mpira alioupiga ulipanguliwa na kutolewa nje kipa Fernando Pacheco. Alaves sasa watacheza fainali na mabingwa watetezi wa kombe hilo Barcelona.

                                     Winga Edgar Mendez akifunga goli pekee katika mchezo huo